BAROY PROVINCIAL HOSPITAL MITALA SA ILANG LABORATORY NGA MGA SERBISYO
| 
| 
Tubod, Lanao del Norte – Ang provincial hospital sa lungsod sa Baroy mitala sa ilang listahan sa mga serbisyo sa laboratoryo alang sa ilang mga pasyente.
Si Dr. Idelfonso B. Nisnisan, Chief of Hospital, nihatag ug dakong pagtagad sa padayun nga paggamit sa pinaka-ulahing teknolohiya aron sa pag serbisyo sa mga in ug out-patients ug arong hingpit nilang maangkon ang saktong serbisyo medikal.
Tungod niini, ang ospital padayon nagaupgrade sa ilang mga pasilidades ug ekwipo aron makumplito ang ilang serbisyo ug makatabang sa kahimsog sa mga lumolupyo sa probinsya.
Base sa ilang talaan, ang Baroy Provincial Hospital mi-serbisyo sa 3,106 ka mga pasyente alang sa urinalysis, 926 alang sa fecalysis, 3,093 alang sa hematology, 1,473 para sa blood chemistry, 1,351 para sa blood typing, 276 para sa cross matching, 323 HBsAg, alang sa acid fast training sputum 37, donor screening extraction 37ug 173 alang sa new-born screening.
Sa kasamtangan ang ospital gitahasan nga mahimong pampubliko nga economic enterprise.
Si Gobernor Mohamad Khalid Quibranza Dimaporo mapadayunon nga nagsuporta sa upgrading sa tanang district ospitals sa tibuok probinsya.ang batan-ong gobernador nagpabilin nga nakatutok sa implemintasyon sa mga programang pang panglawas aron hingpit nga maangkon sa mga katawhan ang ilang kahimsog, ug mapalambo pa ang paghatag sa maayong sebisyong medikal ngadto sa mga katawhan.
