Tubod, Lanao del Norte – Mga pamilyang gikan sa lungsod sa Balo-i nga makadawat unya sa benepisyo sa Pantawid Paimlyang Pilipino Program kun 4Ps gisugdan na ug pangrehistro niadtong Septyembre 23 arun matino kung sila angayan ba gayud nga tabangan niining programaha.

Sobra sa singko mil kartro sientos ang posible nga makadawat ug salapi isip grant kung ugaling ma-apil ang ilang pangalan sa master list gikan sa Project Management Office sa Department of Social Welfare and Development (Rehiyon 10).

Ang pagtino sa mga pangalan pagahimuon sa Regional Team gikan sa Rehiyon 10 nga gitahasan sa hingpit nga implementasyon niining prioridad nga programa ni President Gloria Macapagal-Arroyo alang sa pagminos sa kagutom ug pagtabang sa mga kabus.  

Dugang niini, ang lokal nga pangagamhanan mo tabang usab sa pag-ila sa mga katawhan nga angayan makabenepisyo arun mahimong hapsay ang pag-amdam usab sa ilang mga gikinahanglang papeles.

Duolan na sa 60 milyones ang nahatag na isip cash grants sa tanang beneficiaries dinhi sa probinsya ni-adtong katapusan sa Hulyo, 2009.

Kinse ka mga munisipalidad ang gi-planong makatagamtam sa benepisyo sa 4Ps.