PROGRAMA ALANG SA KABATAN-ONAN GILUNGSAD
| 
| 
Tubod, Lanao del Norte – Pormal nga gilungsad ni mismo Gobernor Mohamad Khalid Dimaporo ang usa ka programa alang sa pagpalambo sa kabatan-onan ni-adtong Septyembre 9, 2009 sa lungsod sa Balo-i. Ang programa nagalangkob sa usa ka seminar nga gi-ulohan “Sexually Healthy and Personally Effective Adolescents” kun SHAPE nga gi-organisa sa mga buhatan sa probinsya sama sa PopCom, PSWDO, PESO ug PCAO.
Ang mga nahimong mamumulong sa maong seminar mipa-ambit sa ilang kaalam sa mga isyu sa responsible sexuality, self-awareness, value clarification, growing up concerns, life-skills, ug living effectively with parents.
Dugang niini, ang PSWDO mi pasabot sa ilang programang UNLAD KABATAAN samtang ang PESO mibatbat sa ilang nagkalain-laing programa uban usab mga programa sa TESDA.
Tumong ni Gobernador Dimaporo ang paghulma sa well-rounded nga mga kabataan sa probinsya arun mamahimo sila nga kaabay sa pag-uswag sa lalawigan ug aktibo nga manginlabot sa pagkab-ot sa malungtarong kahusay ug kalinaw.
“Peace should start from within ourselves. And we must start them young so that when they become teenagers, we will start to see the fruits of our peace-building efforts”, dugang pagpasabot ni Gobernor Dimaporo.
Sulod sa moabot nga duha ka bulan, 18 ka mga munisipalidad ang pagabisitahan ni Gobernador Dimaporo ilalum sa Youth Development Program ubang ang tinguha sa paghulma sa umaabot nga mga lederes dili lamang sa kabarangayan kun dili lakip na sa probinsya.
